संखुवासभा । संखुवासभाको खाँदबारी नगरपालिका–७ स्थित मंगलादेवी माध्यमिक विद्यालयलाई खाँदबारी नगरपालिकाले एक थान इन्भटर हस्तान्तरण गरेको छ ।
आज सोमबार एक कार्यक्रम बीच विद्यालयमा नै पुगेर खाँदबारी नगरपालिकाका उपमेयर महेश्वरा श्रेष्ठ बज्राचार्यले विद्यालय ब्यबस्थापन समितिका अध्यक्ष तुलाराम आले, विद्यालयका प्रअ योगेन्द्रबहादुर श्रेष्ठ र ७ नम्बरका वडाध्यक्ष देवबहादुर पुवाँर मगरलाई संयुक्त रुपमा हस्तान्तरण गरेका थिए ।
कार्यक्रममा खाँदबारी नगरपालिकाका उपमेयर महेश्वरा श्रेष्ठ बज्राचार्यले नगरभित्रका सबै विद्यालयहरुलाई नगरपालिकाले सकेको सहयोग गरिरहेको बताईन् । उनले यस विद्यालयमा इन्भटरको आवश्यकता भएको माग भई आएकाले नगरले सहयोग गरेको बताईन् ।
खाँदबारी नगरपालिकाका प्रमुख प्रशासकीय अधिकृत निर्माणकुमार कार्कीले विद्यालयलाई सहयोग गर्ने हेतुले ३०० वाटको सोलार र विजुली दुवै तरिकाबाट चल्ने इन्भटर ब्याट्री उपलब्ध गराएको बताए ।
कार्यक्रममा विद्यालय ब्यबस्थापन समितिका अध्यक्ष तुलाराम आले र ७ नम्बरका वडाध्यक्ष देवबहादुर पुवाँर मगरले खाँदबारी नगरपालिकालाई धन्यवाद दिए ।
उक्त कार्यक्रममा खाँदबारी नगरपालिकाका उपमेयर महेश्वरा श्रेष्ठ बज्राचार्य, प्रमुख प्रशासकीय अधिकृत निर्माणकुमार कार्की, विद्यालय ब्यबस्थापन समितिका अध्यक्ष तुलाराम आले, ७ नम्बरका वडाध्यक्ष देवबहादुर पुवाँर मगर, विद्यालयका प्रअ योगेन्द्रबहादुर श्रेष्ठ, खाँदबारी नगरपालिकाका कार्यपालिका सदस्य ललिता आलेमगर र वडा सदस्य झलकलाल कुसुले लगायतको उपस्थिती रहेको थियो ।
