संखुवासभा । जिल्लाको खाँदबारी नगरपालिका स्तरीय राष्ट्रपति रनिङ शिल्ड प्रतियोगितामा हिमालय माध्यमिक विद्यालय खाँदबारी प्रथम बनेको छ ।
हिमालय मावि खाँदबारीले २७ स्वर्ण, १२ रजत र १३ काँस्य पदक सहित प्रथम बनेको हो । त्यसैगरि उपविजेता मनकामना रत्नअम्बिका मावि तुम्लिङटारले १५ स्वर्ण, १६ रजत र १२ कास्य पदकमा चित्त बुझाए । त्यसैगरि सूर्य आवासीय मावि खाँदबारीले ९ स्वर्ण, ६ रजत र १३ कास्य पदक हात पार्दै तेस्रो स्थानमा प्राप्त गरेको खाँदबारी नगरपालिकाका शिक्षा शाखाका कर्मचारी हिम भट्टराईले जानकारी दिए ।
खाँदबारी नगरपालिकाभित्रका १९ वटा सामुदायिक र संस्थागत विद्यालयमध्ये १८ वटा विद्यालयले प्रतियोगितामा सहभागीता जनाएका थिए । प्रतियोगिताका प्रथम विजेताले नगद ५० हजार, टर्फी, मेडल र प्रमाणपत्र प्राप्त गरेका छन् भने उपविजेताल् नगद ३० हजार, टर्फी, मेडल र प्रमाणपत्र प्राप्त गरे । त्यसैगरि तेस्रोले नगद २० हजार, टर्फी, मेडल र प्रमाणपत्र प्राप्त गरेको गरेको भट्टराईले बताए ।
प्रतियोगितामा उपाधी प्राप्त नगरि सहभागीता मात्रै जनाउने विद्यालयलाई सामुदायिक तर्फ २० हजार र संस्थागत विद्यालयलाई १० हजार रुपैया प्रदान गरिने नगरपालिकाले जनाएको छ ।
माघ २५ गते शुक्रबार देखि खाँदबारी रंगशालामा सुरु भएको खाँदबारी नगरस्तरीय राष्ट्रपति रनिङ शिल्ड खेलकुद प्रतियोगिता आइतबार समापन भएको हो । प्रतियोगितामा भलिवल, एथ्लेटिक्स, कवडडी र मार्सल आर्ट गरि चार वटा विधामा प्रतियोगिता गराइएको थियो ।
