संखुवासभा । बजाज कम्पनीको आधिकारिक बिक्रेता संखुवासभाको सदरमुकाम खाँदबारीमा रहेको संकल्प इन्टरप्राइजेजमा पल्सर मोटरसाइकल खरिद गर्दा संखुवासभा र भोजपुरका दुई जनाले ५०/५० हजार जितेका छन् ।
बजाज कम्पनीको पल्सर मोटरसाइकल खरिद गर्दा संखुवासभा सिलीचोङ गाउँपालिकाका सुदिप राई र भोजपुर षडानन्द नगरपालिका कुदाककाउलेका सन्देश खालिङ राईले लक्की ड्र मार्फत ५०/५० हजार रुपैया जितेका हुन् । नेपालीहरुले सर्वाधिक रुचाएको बजाज ब्राण्डको मोटरसाइकल खरिद गर्दा कम्पनीले दशैं, तिहार र छठ पर्वसम्म एक्सचेन्ज मेलाका साथै फेस्टिभल स्किम अफरका साथै लक्की ड्र मार्फत प्रत्येक हप्ता ५० हजार रुपैया पुरस्कार दिने घोषणा गरेको छ ।
असोज २६ देखि कात्तिक ३ गतेसम्म यो अफर रहको छ र हरेक हप्ता प्रदेशस्तरीय रुपमा एक/एक जनालाई कम्पनीको हेडअफिसले लक्की ड्र मार्फत एक जनालाई पुरस्कार स्वरुप ५० हजार दिने गरेको बजाज कम्पनीको आधिकारिक बिक्रेता संखुवासभा खाँदबारीका संकल्प इन्टरप्राइजेजका प्रोपाइटर सन्देश गुरुङले बताए । ‘यो दुई जनाले कोशी प्रदेश अन्तर्गत मेरो डिलर संकल्प इन्टरप्राइजेजमा मोटरसाइकल खरिद गर्दा पुरस्कार जितेका हुन् । बजाज कम्पनीको जुनसुकै मोटरसाइकल खरिद गर्दा पनि लक्की ड्र मा परेको खण्डमा पुरस्कार जित्न सकिन्छ ।’–गुरुङले भने ।
यो दशैंको फेस्टिभल अफरमा संकल्प इन्टरप्राइजेज खाँदबारीबाट १ सय २० वटा बजाज कम्पनीको मोटरसाइकल बिक्री भएको गुरुङले जानकारी दिए । बजाज कम्पनीले नागरिकताको भरमा किस्तामा समेत मोटरसाइकल लिन सकिने ब्यबस्था गरेको गुरुङको भनाइ छ ।
