संखुवासभा । गायन रियालिटी शो मेरो भ्वाईस युनिभर्सको फाईनल चरणमा पुगेका संखुवासभाका परेश राईलाई जिताउन संखुवासभा कम्यूनिटी अफ यूएसएद्धारा ४२ हजार सहयोग गरेको छ ।
संखुवासभाको पहिचान र गौरवको रुपमा रियालिटी शो को फाइनल चरणमा पुगेका परेशलाई जिताउन देशविदेशबाट सहयोग प्राप्त भईरहेको बेला संखुवासभा कम्यूनिटी अफ यूएसईले ४२ हजार २ सय ५० रुपैया सहयोग गरेको संखुवासभा कम्यूनिटी अफ यूएसएका संखुवासभा कोडिनेटर किरणकुमार शाक्यले जानकारी दिए । उनको अनुसार, समाजले सहयोग रकम संकलन गरि परेशलाई जिताउन ८४५० भोट गरेको हो । उक्त रकम अमेरिकामा रहेका श्यामकुमार श्रेष्ठ काठमाडौ (कोलोराडो), शान्ति श्रेष्ठ काठमाडौ (कोलोराडो), जीवन जोशी चैनपुर (टेक्सास), हरिकुमार श्रेष्ठ खाँदबारी (कोलोराडो), कर्मतेञ्जिङ्ग भोटिया भोटखोला (कोलोराडो), मनोज श्रेष्ठ खाँदबारी (क्यालिफोर्निया), मकेश श्रेष्ठ धरान (वासिंगटन), ई.अनिमेष श्रेष्ठ खाँदबारी (कोलोराडो) र सन्जिप थापा पाँचखपन (क्यालिफोर्निया)ले संकलन गरि परेशलाई जिताउन सहयोग गरेको हो ।
संखुवासभा चैनपुर नगरपालिका–१० इकुम्बाका स्थानीय परेश राई गायन क्षेत्रमा अगाडी बढ्र्दै गएका छन् । उनी केहीदिन अगाडी संखुवासभाको सदरमुकाम खाँदबारी, चैनपुर लगायतको क्षेत्रमा आएर साँगितिक कार्यक्रम सहित भोट मागेर काठमाडौं फर्किएका छन् । परेशलाई जिताउन देशविदेशका साथै संखुवासभा र आसपासका क्षेत्रमा शुभचिन्तकहरुले ‘परेश राई जिताऔं अभियान’ नै संचालन गरिरहेका छन् । परेशलाई जिताउन भदौ २ गते सम्म भोट गर्नसकिनेछ ।
