संखुवासभा । नेपाली कांग्रेसको भातृसंगठन नेपाल तरुण दलको सभापोखरी गाउँपालिका कार्य समितिको पाँचौ अधिबेसनबाट अध्यक्षमा प्रेमकुमार लिम्बू निर्वाचीत भएका छन् ।
सोमबार सभापोखरी गाउँपालिकाको केन्द्र बाह्रबिसे बजारमा आयोजित पाँचौ पालिकास्तरीय अधिबेसनले लिम्बूको अध्यक्षतामा २० सदस्यीय कार्यसमिति चयन गरेको हो । समितिको उपाध्यक्षद्धय जीवन पन्त र जमुना राई, सचिव प्रसिद्ध श्रेष्ठ, सहसचिव (समावेशी) सञ्जय गुरुङ, सहसचिव प्रकाश मगर र कोषाध्यक्ष रञ्जिता लिम्बू चयन भएका छन् । त्यसैगरि सदस्यहरु शम्बु राई, अम्बरबहादुर राई, युएस राई, महेन्द्र घले, गोपाल दर्जी, राजन लोहोरुङ राई, विमल राई, मन्जिता राई, मनु लिम्बू (मनोज), युवराज राई, जयराम राई, राकेश राई र प्रनिल वनेम रहेका छन् ।
उक्त अधिबेसनमा प्रमुख अतिथी नेपाली कांग्रेसका जिल्ला सचिव तथा नेपाल तरुण दलका संखुवासभा अध्यक्ष टकमान घले रहेका थिए । अधिबेसनको उद्घाटन गर्दै प्रमुख अतिथी घलेले लोकतन्त्र स्थापनाका लागि तरुण दलले महत्वपूर्ण भूमिका निर्वाह गरेको उल्लेख गर्दै तरुण दल नेपाली कांग्रेसको सबैभन्दा महत्वपूर्ण तरुण दस्ता भएको बताए ।
पार्टीको हर दुःख सुखमा तरुण दलले साथमा साथ र हातमा हात राखेर संग–संगै अघि बढ्ने गरेको पार्टी सचिव तथा तरुण दल अध्यक्ष घलेको भनाइ थियो ।
उक्त अधिबेसनमा अतिथीहरु सभापोखरी गाउँपालिकाका अध्यक्ष भीमबहादुर लिम्बू, कांग्रेस नेता शेरबहादुर बन, किसान महासंघका केन्द्रीय सदस्य विमन पराजुली, नेपाल विद्यार्थी संघका केन्द्रीय सदस्य विकास राई, जिल्ला सहसचिव सुवास कालाखेती र कांग्रेसका जिल्ला सदस्य विवेक घले लगायतको अतिथीहरु रहेका थिए ।
तरुण दल सभापोखरीका अध्यक्ष जीतमान घलेको अध्यक्षतामा भएको अधिबेसन कार्यक्रम प्रसिद्ध श्रेष्ठले संचालन गरेका थिए ।
सभापोखरीको तरुण दल सक्रिय रहेको छ । उक्त समितिले यसअघि पनि पालिकास्तरीय भलिवल, सार्वजनिकस्थल, बाटोघाटो र पाटीपौवाहरुको सरसफाई लगायतको विभिन्न रचनात्मक कामहरु गर्दै आएको छ ।
