संखुवासभा । जिल्लाको मकालु गाउँपालिका–५ माङसिमामा भीरबाट लडेर एक जनाको मृत्यु भएको छ ।
भीरबाट लडेर मकालु गाउँपालिका–५ स्थित माङसिमा राई गाउँका ६२ वर्षीय हरिप्रसाद राईको मृत्यु भएको जिल्ला प्रहरी कार्यालय संखुवासभाले जनाएको छ । आइतबार भेडा चराउन गएका राई घर नफर्किएपछि खोजी गर्ने क्रममा स्थानीयले फेला पारेका थिए । उनलाई स्थानीयले जुकेपानी खोल्सामा लडेर मृत अवस्थामा भेटिएको प्रहरीको भनाइ छ।
आज मंगलबार साँझ जिल्ला अस्पतालमा पोष्टमार्टम पछि शव आफन्तलाई जिम्मा दिएको प्रहरीको भनाइ छ । घटनाको थप अनुसन्धान भइरहेको जिल्ला प्रहरी कार्यालय संखुवासभाले जनाएको छ ।
