विराटनगर । नेपाली कांग्रेस कोशी प्रदेश पेशागत तथा वुद्धिजीवी बिभागको प्रथम वैठक विराटनगरमा बिहिबार सम्पन्न भएको छ ।
विभागका संयोजक रामकुमार थापा अध्यक्षतामा भएको कार्यक्रममा नेपाली कांग्रेस केन्द्रीय सदस्य डा.डिला संग्रौला, कोशी कांग्रेसका सभापति उद्धव थापा, नेपाली कांग्रेस नेता रमेशजंङ्ग रायमाझी, कोषाध्यक्ष राजेश गुप्ता, प्रवक्ता यदु विष्ट लगायतको उपस्थिति रहेको थियो ।
विभागको वैठकले कोशी प्रदेशका सवै जिल्लामा वुद्धिजीवी तथा पेशगत क्षेत्रका व्यक्तिहरुलाई पार्टीको गतिविधिमा सक्रिय बनाउने निर्णय गरेको छ । यसका अलावा विभागले पाएको जिम्मेबारीलाई अझ सशक्त बनाउने विषयमा समेत छलफल भएको संयोजक थापाले बताए ।
थापा संयोजकत्वमा रहेको पेशागत तथा वुद्धिजीवी बिभागमा उपसंयोजक गणेश बुढाथोकी सहित २५ जना सदस्यहरु रहेका छन् ।
